Trió Reykjavíkur kemur nú fram 20. árið i röð i samvinnu við Hafnarborg, menningar- og listamiðstöð Hafnarfjarðar. Á þessum tíma hefur tríóið haldið marga tugi tónleika í Hafnarborg, frumflutt fjölda nýrra verka auk þess að gefa áheyrendum sínum ávallt kost á að heyra hin hefðbundnu verk gömlu meistaranna. Fjöldi listamanna í hæsta gæðaflokki, bæði erlendir og íslenskir, hafa komið fram á tónleikaröðinni. Tríóið var stofnað árið 1988 af Halldóri Haraldssyni píanóleikara, Guðnýju Guðmundsdóttur fiðluleikara og Gunnari Kvaran sellóleikara. Árið 1996 tók Peter Maté pianóleikari við af Halldóri.
Á ferli sínum hefur tríóiið komið fram á fjölmörgum tónleikum víða. Hljóðritanir með leik tríósins hafa verið leiknar víða í evrópskum útvarpsstöðvum. Geisladiskur kom út árið 2000. I
Í júní 1999 hlaut Tríó Reykjavikur viðurkenningu úr minningarsjóði stofnenda Hafnarborgar, Ingibjargar Sigurjónsdóttur og Sverris Magnússonar, fyrir framlag til lista og menningar í Hafnarfirði.
Meðlimir tríósins eru allir kennarar við tónlistardeild Listaháskóla Islands og er tríóið nú staðarkammerhópur skólans. Tríó Reykjavíkur var útnefnt Tónlistarhópur Reykjavíkurborgar fyrir árið 2007 og hlaut þá jafnframt þriggja ára styrk frá borginni til starfsemi sinnar.

Tónleikaröð Tríós Reykjavíkur 2010/11

Sunnudaginn 24. október 2010 kl. 20
Sónötukvöld
Verk eftir Jón Nordal, Fauré og fl.
Gestur Ástríður Alda Sigurðardóttir píanóleikari

Sunnudaginn 28. nóvember 2010 kl. 20
'Klassík við kertaljós'
Chopin heiðraður á 200 ára afmæli
Gestur Alina Dubik söngkona
Sönglög, sellósónata og píanótríó

Sunnudaginn 16. janúar 2011 kl. 20
Nýárstónleikar
Sérstakur gestur verður Anna Sigríður Helgadóttir söngkona
Vínar-, sígaunatónlist og önnur skemmtitónlist

Sunnudaginn 6. mars 2011 kl. 20
Frumflutningur á nýju íslensku píanótríói
Verk eftir Schostakovitch og Beethoven


Miðaverð á einstaka tónleika kr. 2.400.-

Áskrift kr. 7.500.-

Sala áskriftarkorta er í Hafnarborg. Upplýsingar í síma 585 5790 og um netfang hafnarborg.isNánar um tónleikana og dagskrá Hafnarborgar á heimasíðu safnsins www.hafnarborg.is