28. október - 02. nóvember 2008  Listsmiðja fyrir börn og foreldra

Barnastund og leiðsögn

Sunnudaginn 2. nóvember verður mikið um að vera í Hafnarborg. Klukkan 15 verður sérfræðileiðsögn um sýninguna Tveir módernistar – Þorvaldur Skúlason og Sigurjón Ólafsson og kl. 14 – 16 verður listsmiðja fyrir börn þar sem verk meistaranna verða skoðuð og síðan sest niður og hún notuð sem innblástur við að búa til eitthvað spennandi. Gunnhildur Þórðardóttir upplýsingafulltrúi safnsins annast listsmiðjuna og er hún öllum opin, bara að mæta og taka þátt. Sérfræðileiðsögnin er í höndum Gunnars J. Árnasonar, listfræðings en hann ritar grein í sýningarskrá sem fylgir sýningunni. Gunnar hefur ritað mikið um íslenska myndlist og kannað verk bæði Þorvaldar og Sigurjóns.

Sýningin Tveir módernistar er gott tækifæri til að skoða íslenska myndlist sem spratt upp úr hugmyndalegu umróti 20. aldar. Sýningin hefur fengið góðar viðtökur safngesta og frábæra umsögn gagnrýnanda.

Opið er í Hafnarborg alla daga nema þriðjudaga kl. 11 – 17 og á fimmtudögum frá kl. 11 – 21. Veitingasala Hafnarborgar er rekin af Manni lifandi en þar má fá bæði frábærar kaffiveitingar og hollan mat.
Engin aðgangseyrir.