26. apríl - 25. maí 2008  

Einar Már Guðvarðarson 1954-2003 - Steinskúlptúr

Einar Már Guðvarðarson myndhöggvari fæddist í Hafnarfirði 9.febrúar 1954 en lést árið 2003.  Hann bjó og starfaði lengi í Hafnarfirði í Ljósaklifi.  Hann lauk stúdentsprófi frá Menntaskólanum í Reykjavík 1974 og útskrifaðist frá mynd-og handmenntadeild Kennaraháskóla Íslands árið 1979.  Hann fór í ársnám í Kaupmannahafnarháskólann í kvikmyndafræði 1980-81, í kvikmyndanám til New York í Arnold Eagle skólann 1981-82 og myndhöggvaranám í Mani, Grikklandi 1985-1990.
Hann ferðaðist mikið til að læra meira um höggmyndalist m.a. til Nýja Sjálands og Japans 1991-92, dvaldist á Ítalíu og Grikklandi 1993 og í Pietra Santa á Ítalíu 1995.
Hann hélt margar einkasýningar m.a. í Hafnarborg 1984, 1992 og 1994, í Deiglunni á Akureyri 1993, Daruma, Art Centre í Kaupmannhöfn, 1985 og Bispegården, Menningarmiðstöðin í Kalundborg, Danmörku 1997, í Gallerí Umbru í Reykjavík 1992 og einnig í Pakistan á Hótel Karimbad 1985.  Einar tók þátt í mörgum samsýningum bæði hérlendis og erlendis m.a. í Danmörku í Daruma Art Centre, Kaupmannahöfn 1990, í Portinu í Hafnarfirði 1994, í Hafnarhúsinu, Reykjavík 1994, í Listhúsi 39, Hafnarfirði og í Hafnarborg.  Hann stundaði m.a. kennslu við Myndlista-og handíðaskóla Ísland, stýrði Daruma Art Center í Danmörku.  Skúlptúrar eftir Einar Má eru í eigu listasafna, stofnana og fyrirtækja á Íslandi og erlendis, en að auki eru margir skúlptúrar í einkaeigu.