Hafnarborg, menningar - og listastofnun Hafnarfjarðar sýnir verk eftir leiðandi íslenska og erlenda listamenn. Sýningardagskrá safnsins er fjölbreytt og gerir skil ólíkum miðlum samtímamyndlistar auk þess sem reglulega eru sýnd verk íslenskra listamanna frá fyrri hluta 20. aldar. Sýnd hafa verið verk sem spanna íslenska listasögu allt frá þjóðargersemum frumkvöðlanna til tilraunakenndra verka listamanna samtímans. Safnið varðveitir listaverkaeign Hafnarfjarðarbæjar og skipa verk Eiríks Smith (f.1925) þar veglegan sess. Reglulega eru settar upp sýningar úr safneign. Í Hafnarborg er rekið öflugt fræðslustarf með leiðsögnum og fyrirlestrum sem tengjast sýningunum. Hægt er að panta leiðsögn fyrir hópa bæði á íslensku og ensku. Tónleikar eru fastur liður í starfseminni og eru klassískir hádegistónleikar og kammertónleikar reglulega á dagskrá. Í Hafnarborg er aðstaða til ráðstefnu- og fundahalds og rekin gestavinnustofa fyrir listamenn. Maður lifandi rekur veitingasölu Hafnarborgar með kaffiveitingar og holla rétti allan daginn.
Í Hafnarborg eru starfandi fræðslufulltrúar. Upplýsingar um sýningar eru sendar skólunum vor og haust. Leiðsögn fyrir nemendur þarf að panta með fyrirvara.

Hafið samband ef þið viljið fá frekari upplýsingar um Hafnarborg og þá starfsemi sem þar fer fram. Við tökum líka á móti umsóknum frá listamönnum sem vilja nýta sér gestavinnustofu stofnunarinnar. Sjá um gestavinnustofuna hér

Sendið okkur rafpóst: